തൃശ്ശൂർ: കാട്ടകാമ്പാൽ പഞ്ചായത്തിലെ ചെറുതുരുത്തി ആറാം വാർഡിൽ എൽഡിഎഫ് സംഘടിപ്പിച്ച രണ്ടാമത്തെ കുടുംബയോഗം നാട്ടുകാരുടെ നല്ല പങ്കാളിത്തത്തോടെയാണ് നടന്നത്. യോഗം സിപിഎം ജില്ലാ കമ്മിറ്റി അംഗം സ. എം.എൻ. സത്യൻ ഉദ്ഘാടനം ചെയ്തു. സംസാരിക്കുമ്പോൾ വാർഡ്തല പ്രശ്നങ്ങൾക്കുള്ള പൊതുയോഗ ഇടപെടലുകളുടെ ആവശ്യകതയും ജനപക്ഷ നയങ്ങൾ നിലനിർത്താനുള്ള കൂട്ടായ്മയും അദ്ദേഹം എടുത്തുപറഞ്ഞു.ഏരിയ കമ്മിറ്റി അംഗം സ. ഹരിദാസൻ വാർഡിൽ നടന്നു വരുന്ന വിവിധ സേവനപ്രവർത്തനങ്ങളെക്കുറിച്ച് വിശദീകരിച്ചു.
വാർഡ് സെക്രട്ടറി സ. അഷറഫ്, ബിന്ദു മനോഹരൻ തുടങ്ങിയവരും അഭിപ്രായങ്ങൾ പങ്കുവച്ചു. ആറാം വാർഡ് സ്ഥാനാർത്ഥി അഖിൽ തന്റെ തെരഞ്ഞെടുപ്പ് പ്രവർത്തനങ്ങളും ലക്ഷ്യങ്ങളുമായി ബന്ധപ്പെട്ട കാര്യങ്ങളും അവതരിപ്പിച്ചു. മുൻ പഞ്ചായത്ത് പ്രസിഡന്റ് ശശിയും അനുഭവങ്ങൾ പങ്കുവെച്ചു. നാട്ടുകാരുടെ സജീവ സാന്നിധ്യം യോഗത്തെ കൂടുതൽ ഉത്സാഹകരമാക്കി.
