ബെയ്ജിങ്: പശ്ചിമേഷ്യന്‍ സംഘര്‍ഷത്തില്‍ നിര്‍ണായക നീക്കവുമായി ചൈന. ഇറാന്റെ പുതിയ പരമോന്നത നേതാവായ മുജ്തബ ഖമനേയിയെ ലക്ഷ്യം വെക്കുന്ന ഏത് ശ്രമത്തേയും എതിര്‍ക്കുമെന്ന് ചൈന അറിയിച്ചു. ഖമനേയിയുടെ നിയമനം ഇറാന്റെ ആഭ്യന്തര കാര്യമാണ്. ആ രാജ്യത്തിന്റെ പരമാധികാരത്തെ മാനിക്കണം. അവരുടെ ആഭ്യന്തര കാര്യങ്ങളില്‍ ഇടപെടരുതെന്നുമാണ് ചൈനയുടെ മുന്നറിയിപ്പ്. യുദ്ധത്തില്‍ ആദ്യമായാണ് സമദൂര നിലപാട് വെടിഞ്ഞ് ചൈന ശക്തമായ നിലപാട് അറിയിച്ചിരിക്കുന്നത്. ഇത് ഇസ്രയേലിനുള്ള മുന്നറിയിപ്പായാണ് നിരീക്ഷകര്‍ കാണുന്നത്.