തേങ്ങയുടെയും കൊപ്രയുടെയും വില കുതിച്ചുയരുമ്പോള് വെളിച്ചെണ്ണയ്ക്ക് വിപണിയിൽ തീവിലയാണ്. വില വർധിക്കുന്നത് ചെറുകിട വെളിച്ചെണ്ണമില്ലുകളെ പ്രതിസന്ധിയിലാക്കിയിട്ടുണ്ട്. തിങ്കളാഴ്ചത്തെ വെളിച്ചെണ്ണവില ലിറ്ററിന് 350 രൂപയാണ്. ഒരുവര്ഷംകൊണ്ട് കൂടിയത് ഇരട്ടിയോളം. പച്ചത്തേങ്ങയ്ക്ക് കിലോയ്ക്ക് 68 രൂപയും കൊപ്രവില ക്വിന്റലിന് 21,000 രൂപയും കടന്നതോടെ വെളിച്ചെണ്ണ ഉത്പാദകര്ക്ക് പ്രവര്ത്തനമൂലധനത്തില് വലിയ വർധനവാണ് ഉണ്ടാകുന്നത്.
എന്നാൽ ഈ അവസരം മുതലാക്കി മായംകലര്ന്ന വെളിച്ചെണ്ണയും വിപണിയില് എത്താൻ തുടങ്ങിയിട്ടുണ്ട്. നീര ഉത്പാദനം ലക്ഷ്യമാക്കി രൂപവത്കരിച്ച നാളികേര ഉത്പാദകക്കമ്പനികളില് മിക്കതും പിടിച്ചുനില്ക്കുന്നത് വെളിച്ചെണ്ണ ഉത്പാദനത്തിലാണ്. കൂടാതെ സഹകരണസ്ഥാപനങ്ങളും വെളിച്ചെണ്ണമില്ലുകള് നടത്തുന്നുണ്ട്. ഇവയെല്ലാം നിലവില് വലിയ പ്രതിസന്ധിയാണ് നേരിടുന്നത്.
Content: Coconut oil price soars; reaches Rs 350 per liter
