കൊച്ചി: തൃക്കാക്കര നിയമസഭാ മണ്ഡലത്തിൽ അഡ്വക്കേറ്റ് പുഷ്പ ദാസിനെ സ്ഥാനാർത്ഥിയാക്കാൻ സി.പി.എം. മഹിളാ അസോസിയേഷൻ കേന്ദ്ര കമ്മിറ്റി അംഗവും സി.പി.എം എറണാകുളം ജില്ലാ സെക്രട്ടറിയേറ്റ് അംഗവുമാണ് പുഷ്പ ദാസ്. ഇന്ന് ചേർന്ന ജില്ലാ നേതൃത്വ യോഗത്തിലാണ് ഈ തീരുമാനം സംസ്ഥാന നേതൃത്വത്തെ അറിയിച്ചത്.
തൃക്കാക്കരയിൽ ഇത്തവണ സി.പി.എം സ്വന്തം ചിഹ്നത്തിൽ തന്നെ മത്സരിക്കും. ഉമ തോമസിനെ എതിരാളിയായി സി.പി.എം ചിഹ്നത്തിൽ തന്നെ സ്ഥാനാർത്ഥിയെ നിർത്താനാണ് തീരുമാനം. തൃക്കാക്കരയിൽ പൊതു സ്വതന്ത്ര സ്ഥാനാർത്ഥിയെ നിർത്തേണ്ടതില്ലെന്നാണ് പാർട്ടി ഇത്തവണ തീരുമാനിച്ചിരിക്കുന്നത്. കഴിഞ്ഞ തെരഞ്ഞെടുപ്പുകളിൽ സ്വതന്ത്ര സ്ഥാനാർത്ഥി പരീക്ഷണം വിജയിക്കാത്ത സാഹചര്യത്തിലാണ് ഈ തീരുമാനം.
എറണാകുളം ജില്ലയിൽ എറണാകുളം, ആലുവ, തൃക്കാക്കര എന്നീ മണ്ഡലങ്ങളിലാണ് സി.പി.എം സ്ഥാനാർത്ഥികളെ തീരുമാനിക്കേണ്ടത് ഉണ്ടായിരുന്നത്. ആലുവയിൽ എ.എം. ആരിഫ് മത്സരിക്കുമെന്നാണ് ഒടുവിൽ ലഭിക്കുന്ന വിവരം.
