തിരുവനന്തപുരം: ഗവര്ണര് രാജേന്ദ്ര വിശ്വനാഥ് അര്ലേക്കര് ചുമതലയേറ്റെടുത്ത ശേഷം സംസ്ഥാന സര്ക്കാരിന്റെ ആദ്യ നയപ്രഖ്യാപന പ്രസംഗത്തിൽ കേന്ദ്രസര്ക്കാരിനെതിരെ വിമർശനം. ജി.എസ്.ടി നഷ്ടപരിഹാരം ലഭിക്കാതിരുന്നതും, കേന്ദ്ര സഹായങ്ങൾ കുറവായതും സംസ്ഥാനത്തിന്റെ സാമ്പത്തിക പ്രതിസന്ധിക്ക് പ്രധാന കാരണമാണെന്ന് പ്രസംഗത്തില് പരാമര്ശിച്ചു.
നവകേരള നിര്മാണത്തിനു സര്ക്കാര് പ്രതിജ്ഞാബദ്ധമാണ്. നവകേരളം എന്ന ലക്ഷ്യത്തിലേക്കാണു സര്ക്കാര് മുന്നേറുന്നത്. ഭൂരഹിതരില്ലാത്ത കേരളമാക്കി മാറ്റുകയാണു ലക്ഷ്യം. വികസന നേട്ടങ്ങളില് കേരളം മാതൃകയാണ്. പാഠപുസ്തക പരിഷ്കരണ സമിതിയില് വിദ്യാര്ഥികളെ കൂടി ഉള്പ്പെടുത്തും. വിദ്യാഭ്യാസം, ആരോഗ്യം, ദാരിദ്ര്യ നിര്മാര്ജനം തുടങ്ങിയവയ്ക്കാണ് മുന്ഗണന. സാമൂഹിക സുരക്ഷ ശക്തമാണ്. ഉരുള്പൊട്ടല് ദുരന്തമുണ്ടായ വയനാട്ടിലെ പുനരധിവാസം സര്ക്കാരിന്റെ കടമയാണ്. ഒരു വര്ഷത്തിനകം ടൗണ്ഷിപ് നിര്മിക്കുമെന്ന് നയപ്രഖ്യാപന പ്രസംഗത്തില് പറയുന്നത്.
