സംസ്ഥാനത്ത് അപൂര്വ രോഗം ബാധിച്ചവരുടെ ഡേറ്റ രജിസ്ട്രി ഈ വര്ഷം യാഥാര്ത്ഥ്യമാകുമെന്ന് ആരോഗ്യ വകുപ്പ് മന്ത്രി വീണാ ജോര്ജ്. നിലവില് എസ്എംഎ ബാധിതരായ കുഞ്ഞുങ്ങള്ക്ക് ചികിത്സ നല്കി വരുന്നതില് 90 ശതമാനത്തില് കൂടുതല് സര്വൈവല് റേറ്റുള്ളതായും മന്ത്രി വ്യക്തമാക്കി. കോഴിക്കോട് ഈ വര്ഷം അപൂര്വ രോഗ ചികിത്സാ ക്ലിനിക് ആരംഭിക്കുമെന്നും മന്ത്രി ഉറപ്പ് നല്കി.
ജന്മനായുള്ള വൈകല്യങ്ങള് കണ്ടെത്തി കുഞ്ഞുങ്ങള്ക്ക് വിദഗ്ധ ചികിത്സ ഉറപ്പാക്കുകയാണ് സര്ക്കാര് ലക്ഷ്യമിടുന്നത്. അപൂര്വ രോഗങ്ങള് പ്രതിരോധിക്കുക, കുഞ്ഞുങ്ങളെ ജീവിതത്തിലേക്ക് തിരികെയെത്തിക്കാനുള്ള പരിശ്രമമാണ് നിലവില് നടത്തി വരുന്നത്. എസ്എടി ആശുപത്രിയെ അപൂര്വ രോഗങ്ങളുടെ സെന്റര് ഓഫ് എക്സലന്സാക്കിയെന്നും വീണാ ജോര്ജ് പറഞ്ഞു.
