കൽപ്പറ്റ: ഡിസിസി ട്രഷറര് എന് എം വിജയന്റേയും മകന്റേയും മരണത്തില് ഐസി ബാലകൃഷ്ണന് എംഎല്എയെ അറസ്റ്റ് ചെയ്ത് വിട്ടയച്ചു. മുന്കൂര് ജാമ്യമുള്ളതിനാലാണ് അറസ്റ്റ് രേഖപ്പെടുത്തി ജാമ്യത്തില് വിട്ടത്. കേസില് ഒന്നാം പ്രതിയായ ഐ സി ബാലകൃഷ്ണന് എംഎല്എയ്ക്കും ഡിസിസി പ്രസിഡന്റ് എന് ഡി അപ്പച്ചനും കെ കെ ഗോപിനാഥനും കോടതി നേരത്തെ മുന്കൂര് ജാമ്യം അനുവദിച്ചിരുന്നു.
ആത്മഹത്യാ പ്രേരണാകുറ്റം ചുമത്തിയതില് ഐസി ബാലകൃഷ്ണന് ഒന്നാം പ്രതിയാണ്. സാമ്പത്തിക ഇടപാടുകള് നടന്നിട്ടില്ലെന്നാണ് അന്വേഷണ സംഘത്തിന് ഐ സി ബാലകൃഷ്ണന് നല്കിയ മൊഴി. ബാങ്കുകളിലെ നിയമനത്തിനായി പണം വാങ്ങിയെന്ന ആരോപണവും എംഎല്എ നിഷേധിച്ചിരുന്നു.
