തിരുവനന്തപുരം: വിവിധ ആവശ്യങ്ങള് അംഗീകരിക്കാമെന്ന് സര്ക്കാര് ഉറപ്പു നല്കിയതിനെ തുടര്ന്ന് മെഡിക്കല് കോളജ് ഡോക്ടര്മാര് നടത്തി വന്ന സമരം ഒരാഴ്ചത്തേക്കു മാറ്റിവച്ചു. 18 മാസത്തെ ശമ്പളക്കുടിശിക ഇപ്പോള് തന്നെ അനുവദിക്കാനുള്ള നടപടികള് എടുക്കാമെന്നും ബാക്കി 39 മാസത്തെ തുക നിയമപരമായ തീരുമാനങ്ങള്ക്ക് അനുസരിച്ച് നല്കാമെന്നും ആരോഗ്യവകുപ്പ് അഡിഷനല് ചീഫ് സെക്രട്ടറി രേഖാമൂലമാണ് ഉറപ്പു നല്കിയത്. ഇതോടെ ഒപി, അധ്യയനം, ശാസ്ത്രക്രിയകള് എന്നിവ പുനരാരംഭിക്കും.
രോഗികളുടെയും വിദ്യാര്ഥികളുടെയും ബുദ്ധിമുട്ടുകള് കണക്കിലെടുത്ത് നിലവിലെ സമരപരിപാടികള് താല്ക്കാലികമായി നീട്ടിവെക്കാന് കേരള ഗവണ്മെന്റ് മെഡിക്കല് കോളജ് ടീച്ചേഴ്സ് അസോസിയേഷന് തീരുമാനിക്കുകയായിരുന്നു.
