ഡല്ഹി: ഗാസ സമാധാന പദ്ധതിയെക്കുറിച്ച് ചര്ച്ച ചെയ്യാന് അമേരിക്കന് പ്രസിഡന്റ് ഡോണള്ഡ് ട്രംപിന്റെ നേതൃത്വത്തില് നാളെ നടക്കുന്ന ഉച്ചകോടിയില് പ്രധാനമന്ത്രി നരേന്ദ്രമോദി പങ്കെടുക്കില്ല.
ഉച്ചകോടിക്ക് നരേന്ദ്ര മോദിയേയും അമേരിക്കയും ഈജിപ്തും ക്ഷണിച്ചിരുന്നു. ഈജിപ്തിലെ ഷാംഅല്ഷെയ്കിലാണ് ഉച്ചകോടി നടക്കുക.
വിദേശകാര്യസഹമന്ത്രി കീര്ത്തി വര്ദ്ധന് സിംഗ് ഉച്ചകോടിയില് ഇന്ത്യയെ പ്രതിനിധീകരിക്കും.
ഗാസ സമാധാന നീക്കത്തെക്കുറിച്ച് ചര്ച്ച ചെയ്യുന്ന ഉച്ചകോടിക്ക് ഇരുപതിലധികം രാജ്യങ്ങള്ക്കാണ് ക്ഷണം ഉള്ളത്.
ഗാസ യുദ്ധം അവസാനിപ്പിക്കുക, മിഡില് ഈസ്റ്റില് സമാധാനവും സ്ഥിരതയും ഉറപ്പുവരുത്തുക തുടങ്ങിയ ലക്ഷ്യങ്ങളോടെയാണ് തിങ്കളാഴ്ച ഈജിപ്തില് ഉച്ചകോടി സംഘടിപ്പിക്കുന്നത്.
ഡോണള്ഡ് ട്രംപ് ഉള്പ്പെടെ ഇരുപതോളം ലോക നേതാക്കളാണ് നാളെ ഈജിപ്തില് നടക്കുന്ന പശ്ചിമേഷ്യ സമാധാന ഉച്ചകോടിയില് പങ്കെടുക്കുന്നത്. ഈജിപ്തിലേക്ക് പോകുന്നതിനുമുമ്പ് ട്രംപ് ഇസ്രായേല് സന്ദര്ശിക്കും.
നാളെ രാവിലെ ഹമാസ് ബന്ദികളെ മോചിപ്പിച്ചു തുടങ്ങും. മാനുഷിക സഹായവുമായി നൂറുകണക്കിന് ട്രക്കുകള് ഇന്ന് ഗാസയില് പ്രവേശിക്കും.
ബന്ദി കൈമാറ്റം തുടങ്ങുന്നത് ഇന്ന് വൈകിട്ടോടെ തീരുമാനമാകും. കഴിഞ്ഞ ആഴ്ചയാണ് വെടിനിര്ത്തലിന് ഇസ്രായേലും ഹമാസും സമ്മതിച്ചത്.
