വാഷിംഗ്ടൺ: ബി​ഗ് ബ്യൂട്ടിഫുൾ ബില്ലിൽ ഡോണൾഡ് ട്രംപ് ഇന്ന് ഒപ്പിടും. ട്രംപ് കൊണ്ടുവന്ന ബിൽ യുഎസ് കോൺ​ഗ്രസ് പാസ്സാക്കി. 214നെതിരെ 218 വോട്ടിനാണ് ജനപ്രതിനിധി സഭ ബിൽ പാസാക്കിയത്. ഇരു സഭകളും പാസാക്കിയ ബിൽ പ്രസിഡൻ്റ് ഒപ്പിടുന്നതോടെ നിയമമാകും. അമേരിക്കൻ വൈസ് പ്രസിഡ‍ൻ്റ് ജെ ഡി വാൻസും ബിൽ പാസ്സായതിൽ സന്തോഷം അറിയിച്ച് രം​ഗത്ത് വന്നു.

ചരിത്രപരമായ നേട്ടം എന്നായിരുന്നു ബിൽ യുഎസ് കോൺ​ഗ്രസിൽ പാസായതിന് പിന്നാലെ ഡോണൾഡ് ട്രംപ് പ്രതികരിച്ചത്. ഈ ബിൽ രാജ്യത്ത് കുതിപ്പേകുമെന്നും അമേരിക്കൻ പ്രസിഡൻ്റുമാർ ഒപ്പിട്ടതിൽ വെച്ച് ഈ നിലയിലുള്ള ബില്ലുകളിൽ ഏറ്റവും വലിയ ബിൽ ഇതാണെന്നും ട്രംപ് വ്യക്തമാക്കിയിട്ടുണ്ട്.