ഡൽഹി: വാഹനാപകടങ്ങളിൽ പെടുന്നവരെ ആശുപത്രിയിൽ എത്തിക്കുന്നവർക്ക് 25,000 രൂപ പാരിതോഷികം പ്രഖ്യാപിച്ച് ഡൽഹി സർക്കാർ. സാധാരണ അപകടങ്ങളുണ്ടാകുമ്പോൾ ആളുകൾ ഓടിക്കൂടാറുണ്ടെങ്കിലും നൂലാമാലകൾ ഭയന്ന് ആശുപത്രിയിലെത്തിക്കാനൊന്നും ആരും സാധാരണ ശ്രമിക്കാറില്ല. ഇതിനൊരു പരിഹാരം ഉണ്ടാക്കാൻ കൂടിയാണ് പുതിയ പദ്ധതി പ്രഖ്യാപിച്ചിരിക്കുന്നത്. കേന്ദ്ര സർക്കാരിന്റെ ‘ഗുഡ് സമരിറ്റൻ’ പദ്ധതിയുടെ മാർഗനിർദേശങ്ങൾ പ്രകാരമാണ് സംസ്ഥാന സർക്കാർ ‘രാഹ് വീർ പദ്ധതി നടപ്പാക്കുന്നത്. അപകടത്തിൽ ഗുരുതരമായി പരിക്കേറ്റു കിടക്കുന്നവരെ എത്രയും വേഗത്തിൽ ആശുപത്രിയിൽ എത്തിക്കുന്നവർക്കായിരിക്കും പണം ലഭിക്കുക.