കോട്ടയം: പാലരുവി എക്സ്പ്രസിൽ മദ്യപിച്ച് ബഹളം വെച്ച യാത്രക്കാരനെ റെയിൽവേ പൊലീസ് പിടികൂടി. കോട്ടയം റെയിൽവേ സ്റ്റേഷനിൽ വെച്ചാണ് ഇയാളെ പൊലീസ് കസ്റ്റഡിയിലെടുത്തത്.
പാലരുവി എക്സ്പ്രസിന്റെ ജനറൽ കോച്ചിലായിരുന്നു സംഭവം. സ്ത്രീകളും കുട്ടികളും ഉൾപ്പെടെയുള്ള യാത്രക്കാർ നിറഞ്ഞ ബോഗിയിൽ കയറിയ ഇയാൾ കൈവശമുണ്ടായിരുന്ന മദ്യക്കുപ്പിയിൽ നിന്ന് പരസ്യമായി മദ്യപിക്കുകയും മറ്റ് യാത്രക്കാരോട് മോശമായി പെരുമാറി ബഹളമുണ്ടാക്കുകയും ചെയ്തെന്നാണ് ആരോപണം. ഇയാൾ നിലവിൽ കോട്ടയം റെയിൽവേ പൊലീസിന്റെ കസ്റ്റഡിയിലാണ്.
ജനറൽ കോച്ചുകളിലെ യാത്രക്കാരുടെ സുരക്ഷയും പരിശോധനാ സംവിധാനങ്ങളും സംബന്ധിച്ച് ആശങ്ക ഉയർത്തുന്നതാണ് സംഭവം.
