കോയമ്പത്തൂര്: നവംബര് ഒന്നുമുതല് വാല്പാറയില് പ്രവേശിക്കാന് ഇ- പാസ് നിര്ബന്ധം. നവംബര് ഒന്നുമുതല് വാല്പാറയില് പ്രവേശിക്കാന് വിനോദസഞ്ചാരികള് ഇ- പാസ് എടുക്കണമെന്ന് കോയമ്പത്തൂര് ജില്ലാ കലക്ടര് ഉത്തരവിറക്കി. നീലഗിരി ജില്ലയിലും കൊടൈക്കനാലിലും വിനോദസഞ്ചാരികളുടെ തിരക്ക് വര്ധിച്ചതിനാല് നേരത്തെ തന്നെ പാസ് നിര്ബന്ധമാക്കിയിരുന്നു.
അതോടെ സഞ്ചാരികള് വാല്പാറയിലേക്ക് പോകാൻ തുടങ്ങിയതോടെ നഗരം പലപ്പോഴും ഗതാഗതക്കുരുക്കിൽപ്പെടുന്ന സാഹചര്യം ഉണ്ടാകുന്നുണ്ട്. സഞ്ചാരികളുടെ ഇഷ്ട റൂട്ടായ വാൽപ്പാറയിൽ ഇ-പാസ് സംവിധാനം ഏർപ്പെടുത്താൻ മദ്രാസ് ഹൈക്കോടതി നിർദേശിച്ചിരുന്നു. ഈ പശ്ചാത്തലത്തിലാണ് കോയമ്പത്തൂര് ജില്ലാ ഭരണകൂടത്തിന്റെ നടപടി.
