ലഡാക്ക്: ലഡാക്കിലെ കാര്ഗിലില് ഭൂചലനം അനുഭവപ്പെട്ടു. ഇന്ന് പുലര്ച്ചയോടെയാണ് ഭൂചലനം ഉണ്ടായത്. ജമ്മു കശ്മീരിലെ വിവിധ മേഖലകളിലും ഭൂചലനത്തിന്റെ പ്രകമ്പനം അനുഭവപ്പെട്ടുവെന്നാണ് ലഭ്യമായ റിപ്പോര്ട്ടുകള്. റിക്ടര് സ്കെയിലില് 5.2 തീവ്രത രേഖപ്പെടുത്തിയിട്ടുണ്ട്. ഇന്ന് പുലര്ച്ചെ 2.50ന് 15 കിലോമീറ്റര് താഴ്ചയിലാണ് ഭൂചലനത്തിന്റെ പ്രഭവകേന്ദ്രം.
ഭൂചലനത്തിന്റെ പ്രഭവകേന്ദ്രം ഉള്പ്പെടെ അടയാളപ്പെടുത്തി നാഷണല് സെന്റര് ഫോര് സീസ്മോളജി എക്സ് പോസ്റ്റ് പങ്കുവെച്ചിട്ടുണ്ട്. ജമ്മുവിലെയും ശ്രീനഗറിലെയും നിരവധി പേര് സോഷ്യല് മീഡിയയിലൂടെ ഭൂചലനം അനുഭവപ്പെട്ടതായി രേഖപ്പെടുത്തിയിരുന്നു.
പുറത്തു വരുന്ന റിപ്പോര്ട്ട് അനുസരിച്ച് ആളപായമില്ല. ജാഗ്രത പാലിക്കാനും സുരക്ഷാ പ്രോട്ടോക്കോളുകള് പാലിക്കാനും തദ്ദേശ സ്വയംഭരണ സ്ഥാപനങ്ങള് ജനങ്ങള്ക്ക് നിര്ദേശം നല്കിയിട്ടുണ്ട്.
