ഡാലസ്: ഫുട്ബോള് ലോകകപ്പിലെ ആദ്യ നോക്കൗട്ട് ജയം സ്വന്തമാക്കി പ്രീക്വാര്ട്ടറിലേക്ക് കടന്ന് ഈജിപ്ത്. പ്രീക്വാര്ട്ടറില് അര്ജന്റീനയാണ് ഈജിപ്തിന്റെ എതിരാളി. പെനാല്റ്റി ഷൂട്ടൗട്ടിലേക്ക് നീണ്ട ആവേശകരമായ മത്സരത്തില് 4-2ന് ഓസ്ട്രേലിയയെ വീഴ്ത്തിയാണ് ഈജിപ്ത് വിജയം കുറിച്ചത്. നിശ്ചിതസമയത്ത് ഇരുടീമുകളും ഓരോ ഗോള്വീതമടിച്ചാണ് പിരിഞ്ഞത്. എക്സ്ട്രാടൈമിലും സ്കോര് തുല്യമായതോടെ ഷൂട്ടൗട്ടിലേക്ക് നീളുകയായിരുന്നു. 13-ാം മിനിറ്റില് തന്നെ ഈജിപ്ത് മുന്നിലെത്തി. ഇമാം അഷൗറാണ് വലകുലുക്കിയത്.
55-ാം മിനിറ്റില് ഓസ്ട്രേലിയയുടെ മുന്നേറ്റം ഈജിപ്ത് താരത്തിന്റെ സെല്ഫ് ഗോളില് കലാശിച്ചു. എക്സ്ട്രാടൈമിലും തുല്യത പാലിച്ചതോടെ മത്സരം പെനാല്റ്റി ഷൂട്ടൗട്ടിലേക്ക് കടക്കുകയായിരുന്നു.
