തൃശ്ശൂർ: കാട്ടകാമ്പാൽ പഞ്ചായത്ത് അയിനൂർ വെസ്റ്റ് വാർഡ് (8) ബി.ജെ.പി സ്ഥാനാർത്ഥിയായി മോനിഷ രജീഷ് വരണാധികാരിക്ക് മുൻപാകെ മൂന്ന് സെറ്റ് നാമനിർദ്ദേശ പത്രിക സമർപ്പിച്ചു. അയിനൂരിൽ നിന്നും പ്രകടനമായെത്തിയ അനുയായികളുടെ സാന്നിധ്യത്തിലായിരുന്നു നാമനിർദ്ദേശ സമർപ്പണം.

നാമനിർദ്ദേശ വേളയിൽ ബി.ജെ.പി കുന്നംകുളം മണ്ഡലം പ്രസിഡൻറ് പി.ജെ ജെബിൻ, ഒബിസി മോർച്ച തൃശൂർ ജില്ലാ ജനറൽ സെക്രട്ടറി രജീഷ് അയിനൂർ, ന്യൂനപക്ഷ മോർച്ച ജില്ല സെക്രട്ടറി തോംസൺ ടി.ബി, എസ്.സി മോർച്ച ജില്ല ജനറൽ സെക്രട്ടറി സാജു പി.കെ, സുനിഷ് പെരുംന്തുരുത്തി, കെ.പി ഗോപി, അരുൺ ഗഗനൻ, ജിജീഷ് സി.വി, സുഗതൻ, മുരളിധരൻ കെ.ഐ എന്നിവരടക്കമുള്ള ബി.ജെ.പി പ്രവർത്തകർ സ്ഥാനാർത്ഥിക്ക് ഒപ്പമുണ്ടായിരുന്നു.