തിരുവനന്തപുരം: മുഖ്യമന്ത്രി പിണറായി വിജയനെതിരെ കെപിസിസി അധ്യക്ഷന് കെ സുധാകരന്റെ പരാമര്ശത്തില് പ്രതികരണവുമായി മന്ത്രി പി എ മുഹമ്മദ് റിയാസ്. സുധാകരന് പ്രതികരിച്ചത് കണ്ണാടി നോക്കിയാണെന്നും ആര്എസ്എസ് തണലില് വളരുന്ന കാട്ടുകുരങ്ങന് ആരാണെന്ന് എല്ലാവര്ക്കും അറിയാം എന്നായിരുന്നു റിയാസിന്റെ പ്രതികരണം.
കെ സുധാകരന്റെ പ്രയോഗം സെല്ഫ് ഗോളാണെന്നും ശാഖയ്ക്ക് കാവല് നിന്നതായി പ്രഖ്യാപിച്ച ആളാണ് സുധാകരനെന്നും റിയാസ് പറഞ്ഞു. വേണമെങ്കില് ബിജെപിയിലേക്ക് പോകുമെന്ന് പറഞ്ഞതും സുധാകരനാണ്. മുഖ്യമന്ത്രിയെ ടാര്ഗറ്റ് ചെയ്യുകയാണ്. അതിന്റെ ഭാഗമാണ് ഇത്തരം പ്രതികരണങ്ങളെന്നും റിയാസ് കൂട്ടിച്ചേര്ത്തു.
