മുംബൈ: ചേക്ലേറ്റ് വാങ്ങാന് പണം ചോദിച്ചതിന് നാല് വയസ്സുകാരിയെ അച്ഛന് കഴുത്ത് ഞെരിച്ച് കൊലപ്പെടുത്തി.മഹാരാഷ്ട്രയിലെ ലത്തൂര് ജില്ലയില് ഞായറാഴ്ചയാണ് സംഭവം നടന്നത്. സംഭവത്തില് അച്ഛന് അറസ്റ്റില്
ബാലാജി റാത്തോഡ് എന്നയാളാണ് അറസ്റ്റിലായത്. ഇയാള് സ്ഥിരം മദ്യപാനിയാണെന്ന് പൊലീസ് പറഞ്ഞു. വീട്ടില് വഴക്ക് പതിവായിരുന്നു. ഇതോടെ ഭാര്യ വര്ഷ സ്വന്തം വീട്ടിലേക്ക് പോയി. ഞായറാഴ്ച ഉച്ചയോടെയാണ് മകള് ആരുഷി ചോക്ലേറ്റ് വാങ്ങാന് അച്ഛനോട് പണം ചോദിച്ചത്. ദേഷ്യം വന്ന ഇയാള് സാരി ഉപയോഗിച്ച് മകളെ കഴുത്ത് ഞെരിച്ച് കൊലപ്പെടുത്തുകയായിരുന്നുവെന്ന് പൊലീസ് പറഞ്ഞു.
ഭര്ത്താവിന് വധശിക്ഷ നല്കണമെന്ന് ഭാര്യ ആവശ്യപ്പെട്ടു. ലത്തൂര് ജില്ലയിലെ ഉദഗിര് താലൂക്കിലെ ഭീമ തണ്ട സ്വദേശിയാണ് പ്രതി. ഭാര്യ നല്കിയ പരാതിയുടെ അടിസ്ഥാനത്തില് പൊലീസ് ബാലാജി റാത്തോഡിനെ അറസ്റ്റ് ചെയ്തു.
