ന്യൂഡൽഹി : ബിഹാറിലെ അറായിൽ ദുർഗാപൂജ പന്തലിനു നേരെ അജ്ഞാതർ വെടിയുതിർത്ത സംഭവത്തില്‍ നാല് പേർക്ക് പരിക്ക്. രണ്ട് മോട്ടോർ സൈക്കിളുകളിലായി എത്തിയ അജ്ഞാതർ വെടിയുതിർത്ത ശേഷം ഓടി രക്ഷപ്പെടുകയായിരുന്നു. സംഭവസ്ഥലത്ത് നിന്ന് രണ്ട് വെടിയുണ്ടകൾ പോലീസ് കണ്ടെടുത്തു.

അർമാൻ അൻസാരി (19), സുനിൽ കുമാർ യാദവ് (26), റോഷൻ കുമാർ (25), സിപാഹി കുമാർ എന്നിവർക്കാണ് വെടിയേറ്റത്. ഇവരെ വിദഗ്ധ ചികിൽസയ്ക്കായി സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചു. വെടിവെപ്പിനു പിന്നിലെ കാരണം ഇതുവരെ വ്യക്തമല്ല. ആക്രമണത്തിന് ഉത്തരവാദികളായവരെ പിടികൂടാൻ പൊലീസ് അന്വേഷണം നടത്തുകയാണ്.