കോട്ടയം: ക്രിസ്മസിന്റെ വരവ് അറിയിച്ചുകൊണ്ട് കോട്ടയം നഗരത്തിൽ ഇന്ന് പാപ്പ വിളംബരറാലി (ബോൺ നത്താലെ സീസൺ 5) ഇന്ന് കോട്ടയത്തു നടക്കും. ഈ വർഷം 5,000 പാപ്പാമാരാണു റാലിയിൽ അണിചേരുക. ഇന്ന് വൈകിട്ട് അഞ്ചിനു ജില്ലാ പൊലീസ് പരേഡ് ഗ്രൗണ്ടിൽ പൊലീസ് മേധാവി എ. ഷാഹുൽ ഹമീദ് ഫ്ലാഗ്ഓഫ് ചെയ്യും.
ഇതിനെ തുടർന്ന് നിശ്ചല ദൃശ്യങ്ങളുടെയും താളമേളങ്ങളുടെയും അകമ്പടിയോടെ ശാസ്ത്രി റോഡ്, സെൻട്രൽ ജംഗ്ഷൻ, കെകെ റോഡ് വഴി കെ.സി.മാമ്മൻ മാപ്പിള ഹാളിൽ എത്തിച്ചേരും. മന്ത്രി വി.എൻ.വാസവൻ സമ്മേളനം ഉദ്ഘാടനം ചെയ്യും. തിരുവഞ്ചൂർ രാധാകൃഷ്ണൻ എംഎൽഎ അധ്യക്ഷത വഹിക്കുമെന്നു കോട്ടയം സിറ്റിസൻ ഫോറം പ്രസിഡന്റ് ഫാ. ഡോ. ബിനു കുന്നത്ത് അറിയിച്ചു.
