കനത്ത മഴയെ തുടർന്ന് പ്രളയ സാധ്യത മുനറിയിപ്പ്. പത്തനംതിട്ട ജില്ലയിലെ മണിമല നദിയില് ഓറഞ്ചും, അച്ചന്കോവില്, വയനാട് ജില്ലയിലെ കബനി എന്നീ നദികളില് മഞ്ഞ അലര്ട്ടും നിലനില്ക്കുന്നുണ്ട്. കൂടാതെ കോഴിക്കോട് ജില്ലയിലെ കോരപ്പുഴയിലും ജാഗ്രത നിർദേശം നൽകിയിട്ടുണ്ട്. ഈ നദികളുടെ തീരത്തുള്ളവര് ജാഗ്രത പാലിക്കേണ്ടതാണ് .
കോട്ടയം ജില്ലയിലെ മീനച്ചില് നദിയിലെ പേരൂര് സ്റ്റേഷന്, കോഴിക്കോട് ജില്ലയിലെ കോരപ്പുഴ നദിയിലെ കുന്നമംഗലം, കൊള്ളിക്കല് എന്നീ സ്റ്റേഷനുകളിലും, പത്തനംതിട്ട ജില്ലയിലെ അച്ചന്കോവില് നദിയിലെ കല്ലേലി, കോന്നി ജി ഡി എന്നീ സ്റ്റേഷനുകളിലും, വയനാട് ജില്ലയിലെ കബനി നദിയിലെ കാക്കവയല് സ്റ്റേഷന് എന്നിവിടങ്ങളില് മഞ്ഞ അലര്ട്ടും പ്രഖ്യാപിച്ചിരിക്കുന്ന സാഹചര്യത്തില് ഈ നദികളുടെ തീരത്ത് താമസിക്കുന്നവര് ജാഗ്രത പുലര്ത്തേണ്ടതാണ്. കൂടാതെ അധികൃതരുടെ നിര്ദേശാനുസരണം പ്രളയ സാധ്യതയുള്ളയിടങ്ങളില് നിന്ന് മാറി താമസിക്കാന് തയ്യാറാവണം.
