മലപ്പുറം: വനിതകൾക്കുളള സൗജന്യ തൊഴിൽ പരിശീലനത്തിന്റെ ഭാഗമായി രുചി വൈവിധ്യങ്ങളുടെ കലവറ ഒരുക്കി രാമപുരം മഹല്ല് ജുമാമസ്ജിദ് അങ്കണത്തിലെ ഭക്ഷ്യ മേള വേറിട്ട കാഴ്ചയായി .
കേന്ദ്രസർക്കാറിന്റെ ജൻ ശിക്ഷൺ സൻസ്ഥാൻ മലപ്പുറവും, മഹല്ല് ജുമാ മസ്ജിദ് കമ്മിറ്റി അൽ ഇഹ്സാൻ സർവ്വീസ് സെൻ്ററുമായി ചേർന്ന് നടപ്പിലാക്കുന്ന വനിതകൾക്കുളള സൗജന്യ തൊഴിൽ പരിശീലന പദ്ധതിയാണിത്. പദ്ധതിയുടെ ഒന്നാം ഘട്ട സമാപനത്തിന്റെ ഭാഗമായിട്ടാണ് പഠിതാക്കളുടെ നേതൃത്വത്തിൽ രുചി വൈവിധ്യങ്ങളുടെ കലവറ ഒരുക്കിയത്. മഹല്ല് കമ്മിറ്റി ഭാരവാഹികളും ജനപ്രതിനിധികളും നാട്ടുകാരും മേളയിൽ പങ്കെടുത്തു. മുൻകൂട്ടി രജിസ്റ്റർ ചെയ്തവരിൽ നിന്നും തെരഞ്ഞെടുക്കപ്പെട്ടവർക്കാണ് പരിശീലനം നൽകിയിരുന്നത്.
