ബെംഗളൂരു: കര്ണാടക മുന് മുഖ്യമന്ത്രിയും യുപിഎ മന്ത്രിസഭയിലെ മുന് വിദേശകാര്യ മന്ത്രിയുമായിരുന്ന എസ് എം കൃഷ്ണ (93) അന്തരിച്ചു. വാര്ധക്യസഹജമായ അസുഖങ്ങളെത്തുടര്ന്ന് ബെംഗളൂരുവിലെ വസതിയില് പുലര്ച്ചെയായിരുന്നു അന്ത്യം.
ബാംഗ്ലൂര് നഗരത്തെ ഐ ടി നഗരമാക്കി മാറ്റിയെടുത്തത് എസ് എം കൃഷ്ണയുടെ കാലത്തായിരുന്നു. 1962ല് പ്രജാ സോഷ്യലിസ്റ്റ് പാര്ട്ടിയിലൂടെയാണ് രാഷ്ട്രീയ രംഗത്തേക്കെത്തിയത്.
1999 മുതല് 2004 വരെ കര്ണാടകയുടെ മുഖ്യമന്ത്രിയായിരുന്നു. മഹാരാഷ്ട്ര ഗവര്ണറായും കര്ണാടക വിധാന്സഭയുടെ സ്പീക്കറായും പ്രവര്ത്തിച്ച എസ് എം കൃഷ്ണ ഇന്ദിരാഗാന്ധി, രാജീവ് ഗാന്ധി, മന്മോഹന് മന്ത്രിസഭകളില് അംഗമായിരുന്നു.
2009 മുതല് 2012വരെ യുപിഎ സര്ക്കാരില് വിദേശകാര്യമന്ത്രിയായിരുന്നു. പിന്നീട് കോണ്ഗ്രസ് നേതൃത്വവുമായി പിണങ്ങിയ എസ് എം കൃഷ്ണ ബി ജെ പിയില് ചേര്ന്നു. 2023ല് പത്മ പുരസ്കാരം നല്കി കൃഷ്ണയെ രാജ്യം ആദരിച്ചു.
