ദുബൈ: ബലിപെരുന്നാൾ നിറവില് ഗള്ഫ് രാജ്യങ്ങള്. യുഎഇയിലും ഒമാനിലുമടക്കം എല്ലാ ഗള്ഫ് രാജ്യങ്ങളും ബലിപെരുന്നാളിൻ്റെ ആഘോഷ പരിപാടികളിലാണ്. യുഎഇയിലെ വ്യത്യസ്ത എമിറേറ്റുകളിൽ പുലർച്ചെ 5.41 മുതലാണ് പെരുന്നാൾ നമസ്കാരം. പ്രവാസികളുടെ നേതൃത്വത്തിലും പള്ളികളിലും ഈദ് മുസ്വല്ലകളിലും പെരുന്നാള് നിസ്കാരങ്ങള് സംഘടിപ്പിക്കുന്നുണ്ട്.
പ്രാര്ത്ഥന നിര്വ്വഹിച്ച ശേഷം പുതിയ വസ്ത്രങ്ങള് ധരിച്ചും സ്ത്രീകള് കൈകളില് മൈലാഞ്ചി അണിഞ്ഞും വിഭവ സമൃദ്ധമായ ഭക്ഷണം കഴിച്ചും പെരുന്നാള് സന്തോഷം കുടുംബങ്ങളുമായും സുഹൃത്തുക്കളുമായും പങ്കുവെക്കും. വിവിധ ഗൾഫ് രാജ്യങ്ങളില് വിപുലമായ ആഘോഷ പരിപാടികളാണ് സംഘടിപ്പിക്കുന്നത്. പലയിടങ്ങളിലും വര്ണാഭമായ വെടിക്കെട്ട് ഒരുക്കിയിട്ടുണ്ട്.
