ന്യൂഡല്ഹി: മുഖ്യ തിരഞ്ഞെടുപ്പ് കമ്മീഷണറായി ഗ്യാനേഷ് കുമാര് ചുമതലയേറ്റു. സ്ഥാനമൊഴിഞ്ഞ മുഖ്യ തിരഞ്ഞെടുപ്പ് കമ്മീഷണര് രാജീവ് കുമാറിന്റെ പകരക്കാരനായാണ് ഗ്യാനേഷ് കുമാര് ചുമതലയേറ്റത്. തിരഞ്ഞെടുപ്പ് കമ്മീഷന്റെ ആസ്ഥാനത്തെത്തിയാണ് ഗ്യാനേഷ് ചുമതലയേറ്റത്.
ഭരണഘടന, തിരഞ്ഞെടുപ്പ് നിയമങ്ങള്, ചട്ടങ്ങള്, നിര്ദ്ദേശങ്ങള് എന്നിവയ്ക്ക് അനുസൃതമായി, കമ്മീഷന് അന്നും ഇന്നും എന്നും വോട്ടര്മാര്ക്കൊപ്പമുണ്ടെന്ന് മുഖ്യതിരഞ്ഞെടുപ്പ് കമ്മീഷണറായി സ്ഥാനമേറ്റ ശേഷം ഗ്യാനേഷ് കുമാര് പ്രതികരിച്ചു. 18 വയസ്സ് പൂര്ത്തിയായ എല്ലാവരും തിരഞ്ഞെടുപ്പ് നടപടിക്രമങ്ങളുടെ ഭാഗമാകണമെന്നും അദ്ദേഹം പ്രതികരിച്ചു.
