ഡല്ഹി: എച്ച്1-ബി വീസ ഫീസ് വര്ധിപ്പിച്ച ട്രംപിന്റെ നടപടിക്ക് പിന്നാലെ ജീവനക്കാര്ക്ക് മുന്നറിയിപ്പുമായി മെറ്റ, മൈക്രോസോഫ്റ്റ് അടക്കമുള്ള പ്രമുഖ കമ്പനികള്. എല്ലാ എച്ച് -1 ബി വിസ ഉടമകളും കുറഞ്ഞത് 14 ദിവസത്തേക്കെങ്കിലും അമേരിക്ക വിട്ടുപോകരുതെന്ന് ആവശ്യപ്പെട്ട കമ്പനികള്, അമേരിക്കയ്ക്ക് പുറത്ത് താമസിക്കുന്ന എച്ച്1-ബി വീസ ഉടമകളോട് ഉടന് മടങ്ങിവരാനും ആവശ്യപ്പെട്ടു.
ട്രംപ് സര്ക്കാരിന്റെ ഉത്തരവിന്റെ വിശദാംശങ്ങള് ലഭ്യമാകുന്നത് വരെ എച്ച്-1ബി വീസയും എച്ച്4 വീസയും കൈവശമുള്ളവര് യുഎസില് തുടരണമെന്ന് മെറ്റ ഇമെയില് വഴി നിര്ദേശം നല്കി. അമേരിക്കയ്ക്ക് പുറത്ത് താമസിക്കുന്നവര് 24 മണിക്കൂറിനുള്ളില് മടങ്ങിവരണമെന്നും മെറ്റ ആവശ്യപ്പെട്ടിട്ടുണ്ട്.
എച്ച്-1ബി വീസയ്ക്കുള്ള വാര്ഷിക ഫീസ് ഒരു ലക്ഷം ഡോളറായാണ് ട്രംപ് സര്ക്കാര് ഉയര്ത്തിയത്. അമേരിക്കയില് ഈ വീസ കൈവശം വെച്ചിരിക്കുന്നവരില് ബഹുഭൂരിപക്ഷവും ഇന്ത്യാക്കാരാണ്. ഇന്ത്യയില് നിന്ന് അമേരിക്കയിലേക്ക് മാറ്റം പ്രതീക്ഷിച്ചിരിക്കുന്നവരെ അടക്കം ഇത് സാരമായി ബാധിക്കും. മൂന്ന് വര്ഷ കാലാവധിയുള്ള ഈ എച്ച്1-ബി വീസ ഫീസ് വര്ധിപ്പിക്കുന്നത് അമേരിക്കയിലെ തൊഴിലാളികള്ക്ക് തൊഴിലവസരം ലഭ്യമാക്കാനാണെന്ന് ട്രംപ് സര്ക്കാര് വിശദീകരിക്കുന്നു.
