തിരുവനന്തപുരം: സംസ്ഥാനത്ത് ഉഷ്ണതരംഗ മുന്നറിയിപ്പ്. ഇന്ന് വിവിധ ജില്ലകളില് ഒറ്റപ്പെട്ട ഇടങ്ങളില് രണ്ട് ഡിഗ്രി സെല്ഷ്യസ് മുതല് നാല് ഡിഗ്രി സെല്ഷ്യസ് വരെ ചൂട് കൂടാന് സാധ്യതയുണ്ട്. കാസര്കോട്, കണ്ണൂര് ജില്ലകളിലെ ഒറ്റപ്പെട്ട ഇടങ്ങളിലാണ് ഉഷ്ണതരംഗത്തിന് സാധ്യത എന്ന് കേന്ദ്ര കാലാവസ്ഥ വകുപ്പ് അറിയിച്ചു.
അതേസമയം ചൂടിന് ആശ്വാസമായി മഴ എത്താന് സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു. തിരുവനന്തപുരം, കൊല്ലം, പത്തനംതിട്ട ജില്ലകളില് വെളളിയാഴ്ച മഴ ലഭിച്ചേക്കും. ഇടുക്കി, പത്തനംതിട്ട ജില്ലകളില് ശനിയാഴ്ചയും മഴ ലഭിക്കാന് സാധ്യതയുണ്ട്. ഈ ജില്ലകളില് യെല്ലോ അലേര്ട്ട് പ്രഖ്യപിച്ചിട്ടുണ്ട്.
