മലപ്പുറം: പരപ്പനങ്ങാടി മുനിസിപ്പാലിറ്റിയിൽ ഇന്ത്യൻ നാഷണൽ കോൺഗ്രസ് പാർട്ടി ചരിത്രത്തിൽ ഇന്നുവരെ ഏറി വന്നാൽ മൂന്ന് സീറ്റുകൾ വരെ മാത്രം നേടാൻ സാധിച്ചിരുന്ന പരപ്പനങ്ങാടി മുനിസിപ്പാലിറ്റിയിൽ ഇത്തവണ കോൺഗ്രസ് 7 സീറ്റുകൾ നേടി മികച്ച മുന്നേറ്റം കാഴ്ചവെച്ചു. ഇടത് ജനാധിപത്യ മുന്നണിയിൽ നിന്ന് നാല് സീറ്റുകൾ അധികമായി പിടിച്ചെടുത്ത് കോൺഗ്രസ് തങ്ങളുടെ കരുത്ത് തെളിയിച്ചു. ഐക്യജനാധിപത്യ മുന്നണിയുടേയും, ഇന്ത്യൻ നാഷണൽ കോൺഗ്രസ് പാർട്ടിയുടെയും, ഒറ്റക്കെട്ടായതും ചിട്ടയായതുമായ പ്രവർത്തനത്തിൻ്റെ കരുത്തിലാണ് ഈ ചരിത്രവിജയം നേടുവാനായത്. പാർട്ടി പ്രവർത്തകരുടെ കൂട്ടായ പരിശ്രമവും ജനകീയ പിന്തുണയുമാണ് ഈ ശ്രദ്ധേയമായ നേട്ടത്തിന് അടിസ്ഥാനമായത്.