തിരുവനന്തപുരം: ഐബി ഉദ്യോഗസ്ഥ ട്രെയിനിന് മുന്നിൽ ചാടി ജീവനൊടുക്കിയ സംഭവത്തിൽ കസ്റ്റഡിയിലുള്ള പ്രതി സുകാന്തുമായി പൊലീസ് ഇന്ന് തെളിവെടുപ്പ് നടത്തും. തിരുവനന്തപുരത്തെ ഫ്ലാറ്റിലും എറണാകുളത്തുമായിരിക്കും തെളിവെടുപ്പിന് എത്തിക്കുക. സുകാന്ത് സുരേഷിനെ ജൂണ് 5 വരെ പൊലീസ് കസ്റ്റഡിയില് വിട്ടിരിക്കുകയാണ്.
സുകാന്തിനെതിരെ ഫോണിലെ ഡിജിറ്റൽ തെളിവുകൾ ഉൾപ്പെടെ പൊലീസ് കണ്ടെത്തിയിരുന്നു. യുവതി ആത്മഹത്യ ചെയ്ത ശേഷം രണ്ട്മാസത്തോളം ഒളിവിലായിരുന്ന സുകാന്ത് ഹൈക്കോടതി മുന്കൂര് ജാമ്യപേക്ഷ തള്ളിയതിനെ തുടര്ന്ന് പൊലീസിൽ കീഴടങ്ങുകയായിരുന്നു. പ്രതിയെ 14 ദിവസത്തേക്ക് കോടതി റിമാന്ഡ് ചെയ്തു.
