ദുബായ്: ചതുര്ദിന ടെസ്റ്റ് മത്സരങ്ങൾ ഔദ്യോഗികമായി നടപ്പാക്കാനൊരുങ്ങി ഐസിസി. ഐസിസി ചെയര്മാന് ജയ് ഷായും അനുകൂല നിലപാട് എടുത്തതോടെയാണ് ചതുര്ദിന ടെസ്റ്റ് മത്സരങ്ങള് നടപ്പാക്കാനുളള തീരുമാനത്തിലേക്ക് എത്തിയത്. 2027-2029 ലോക ടെസ്റ്റ് ചാമ്പ്യൻഷിപ്പ് സര്ക്കിളിലാകും ചതുര്ദിന ടെസ്റ്റ് മത്സരങ്ങള് ഐസിസി അവതരിപ്പിക്കുക.
ചെറിയ ടീമുകള്ക്കും ടെസ്റ്റ് മത്സരങ്ങള് കളിക്കാന് കൂടുതല് അവരസമൊരുക്കാനാണ് ഐസിസി നിര്ണായ തീരുമാനം എടുക്കുന്നത്. അഞ്ച് ദിന ടെസ്റ്റ് മത്സരങ്ങള് നടത്താനുള്ള ഭീമമായ ചെലവും സമയവുമാണ് ചെറിയ ടീമുകളെ ടെസ്റ്റ് പരമ്പരകളില് നിന്ന് പിന്വലിപ്പിക്കുന്നത് എന്നാണ് ഐസിസി വിലയിരുത്തൽ.
