ഇടുക്കി:ഇടുക്കി രൂപതയില് വിവാദമായ സിനിമ ‘ദ കേരള സ്റ്റോറി’ പ്രദര്ശിപ്പിച്ചതിനെ സ്വാഗതം ചെയ്ത് ബിജെപി.കേരള സ്റ്റോറിക്കെതിരെയും അത് പ്രദര്ശിപ്പിക്കുന്നതിനെ എതിര്ത്തുകൊണ്ടുമുള്ള ഇടതുവലതു മുന്നണികളുടെ പ്രചാരണത്തിനുമേറ്റ തിരിച്ചടിയാണ് രൂപതയുടെ നിലപാടെന്ന് ബിജെപി മധ്യമേഖല പ്രസിഡണ്ട് എന് ഹരി പറഞ്ഞു.ഇടുക്കി രൂപതയുടെ സമീപനം യഥാര്ത്ഥ്യ ബോധത്തോടെയെന്ന് എന് ഹരി പറഞ്ഞു.
സംഭവത്തില് വിശദീകരണമായി ഇടുക്കി രൂപത രംഗത്തെത്തി. ക്ലാസിലെ ഒരു വിഷയം പ്രണയമായിരുന്നവെന്ന് ഫാ. ജിന്സ് കാരക്കാട് പറഞ്ഞു. ഇതുമായി ബന്ധപ്പെട്ട് സിനിമ കണ്ട് വിലയിരുത്താന് കുട്ടികളോട് ആവശ്യപ്പെട്ടതാണ്. നിരവധി കുട്ടികള് പ്രണയക്കൂരുക്കില് അകപ്പെടുന്നതിനാല് ആണ് വിഷയം എടുത്തതെന്നും ഫാ. ജിന്സ് കാരക്കാട്ട് വിശദീകരിച്ചു.
പാനൂര് സ്ഫോടനം;ബോംബ് ഉണ്ടാക്കിയത് സിപിഎമ്മുകാര്;വി ഡി സതീശന്
വിശ്വാസോത്സവത്തിന്റെ ഭാഗമായിട്ടാണ് ഇടുക്കി രൂപതയില് ‘ദ കേരള സ്റ്റോറി’ സിനിമ പ്രദര്ശിപ്പിച്ചത്. ഇക്കഴിഞ്ഞ നാലാം തീയതിയാണ് പ്രദര്ശനം നടന്നത്.രൂപതയിലെ പത്ത് മുതല് പ്ലസ്ടു വരെയുള്ള വിദ്യാര്ത്ഥികള്ക്കായാണ് പ്രദര്ശനം നടത്തിയത്. പ്രണയത്തെക്കുറിച്ചുള്ള ബോധവത്ക്കരണത്തിന്റെ ഭാഗമായിട്ടാണ് കുട്ടികളുടെ മുന്നില് സിനിമ പ്രദര്ശിപ്പിച്ചതെന്നാണ് രൂപത അധികൃതര് പറയുന്നത്.
