മലപ്പുറം: മലപ്പുറം മഞ്ചേരിയിൽ എംഎൽഎക്കെതിരെ ഫേസ്ബുക്കിൽ അസഭ്യ കമന്റിട്ട യുവാവിനെ മർദിച്ച സംഭവത്തിൽ പൊലീസ് കേസെടുത്തു. മഞ്ചേരി എംഎൽഎ യു എ ലത്തീഫിനെതിരെയാണ് യുവാവ് കൂളിയോടൻ ലത്തീഫ് ഫേസ്ബുക്കിൽ അസഭ്യ കമന്റിട്ടത്. ഇതിനെ തുടർന്ന് എംഎൽഎയുടെ മകൻ അമീറും സംഘവുമടങ്ങിയവരും ചേർന്ന് യുവാവിനെ മർദിച്ചു. സംഭവത്തിന്റെ സിസിടിവി ദൃശ്യങ്ങളും പുറത്തുവന്നിട്ടുണ്ട്. മഞ്ചേരി പൊലീസ് എംഎൽഎയുടെ മകനെ ഉൾപ്പടെ സംഘത്തെ പ്രതിയാക്കി കേസെടുത്തു.