ന്യൂഡല്ഹി: ഇന്ത്യ-പാക് വെടിനിര്ത്തല് ധാരണക്ക് ശേഷം ഇരുരാജ്യങ്ങളുടെയും ഡിജിഎംഒമാരുടെ ആദ്യയോഗം ഇന്ന്. ഉച്ചയ്ക്ക് 12 മണിക്കാണ് ചർച്ച നടക്കുക. യോഗത്തിൽ പാക് പ്രകോപനത്തില് ശക്തമായ നിലപാട് അറിയിക്കാനാണ് ഇന്ത്യയുടെ തീരുമാനം. പഹല്ഗാം ഭീകരാക്രമണത്തിന് പിന്നില് പ്രവര്ത്തിച്ചവരെ വിട്ടുനല്കണമെന്നും ആവശ്യപ്പെട്ടേക്കും.
പാക്കിസ്താനില് വളരുന്ന ഭീകരവാദം അവസാനിപ്പിക്കണമെന്നും പ്രകോപനം ആവര്ത്തിച്ചാല് കനത്ത തിരിച്ചടി നല്കുമെന്നും യോഗത്തില് ഇന്ത്യ അറിയിക്കും. അതേസമയം വെടിനിര്ത്തല് പ്രഖ്യാപിച്ചതിന് പിന്നാലെ അതിര്ത്തിയില് സ്ഥിതിഗതികള് ശാന്തമാണ്. ജമ്മുകശ്മീരില് ജനജീവിതം സാധാരണ നിലയിലേക്ക് എത്തുന്നു.
