ഗാസ: ഗാസയില് ആക്രമണം കടുപ്പിച്ച് ഇസ്രയേല്. തെക്കന് ഖാന് യൂനിസിലെ അഭയാര്ത്ഥി ക്യാമ്പ് അടക്കമുളളിടത്താണ് ആക്രമണം. ആക്രമണത്തില് 35ലധികം പേർ കൊല്ലപ്പെട്ടെന്ന റിപ്പോര്ട്ടാണ് പുറത്ത് വരുന്നത്. പലസ്തീനിയന് മാധ്യമപ്രവര്ത്തകയും അവരുടെ കുടുംബത്തിലെ പത്ത് അംഗങ്ങളും കൊല്ലപ്പെട്ടവരില് ഉള്പ്പെടുന്നു.
അതേസമയം സംഘര്ഷങ്ങള്ക്ക് ശേഷവും ഇസ്രയേല് പിടിച്ചെടുത്ത ‘സുരക്ഷാ കേന്ദ്ര’ങ്ങളില് സൈന്യം തുടരുമെന്ന് പ്രതിരോധ വകുപ്പ് മന്ത്രി ഇസ്രയേല് കാട്സ് പറഞ്ഞു. ഗാസ, പലസ്തീനികളുടെ കൂട്ട ശവക്കുഴിയായി മാറിയിരിക്കുന്നുവെന്ന പ്രസ്താപനയുമായി അന്താരാഷ്ട്ര സംഘടനയായ മെഡിസിന്സ് സാന്സ് ഫ്രോണ്ടിയേഴ്സ് രംഗത്തെത്തി.
