കൊച്ചി: മാധ്യമപ്രവര്ത്തകയോട് മോശമായി പെരുമാറിയെന്ന കേസ് പിന്വലിക്കണമെന്നാവശ്യപ്പെട്ട് കേന്ദ്രമന്ത്രിയും നടനുമായ സുരേഷ് ഗോപി ഹൈക്കോടതിയിലേക്ക്. ഹൈക്കോടതി തുടര് നടപടികള് തടഞ്ഞില്ലെങ്കില് നേരിട്ട് കോടതിയില് ഹാജരാകുന്നതില് ഇളവിന് അപേക്ഷ നല്കാനാണ് സുരേഷ് ഗോപിയുടെ തീരുമാനം.
ജാമ്യ നടപടികള് പൂര്ത്തിയാക്കുന്നതിന്റെ ഭാഗമായി സുരേഷ് ഗോപി ഇന്നലെ കോഴിക്കോട് ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് നാല് കോടതിയില് ഹാജരായിരുന്നു. സുരേഷ് ഗോപിക്കെതിരെ ചുമത്തിയ കുറ്റങ്ങള് നിലനില്ക്കില്ലെന്ന് അദ്ദേഹത്തിന്റെ അഭിഭാഷകന് ബി എന് ശിവശങ്കര് പറഞ്ഞു.
കഴിഞ്ഞവര്ഷം ഒക്ടോബര് 27നാണ് ലോക്സഭാ തിരഞ്ഞെടുപ്പില് മത്സരിക്കുന്നതുമായി ബന്ധപ്പെട്ട് ചോദ്യങ്ങള് ചോദിച്ച മാധ്യമപ്രവര്ത്തകയുടെ തോളില് അനുവാദമില്ലാതെ സുരേഷ് ഗോപി കൈവെയ്ക്കുകയായിരുന്നു.
തുടര്ന്ന് സുരേഷ് ഗോപി സ്ത്രീത്വത്തെ അപമാനിച്ചുവെന്നും മോശം ഉദ്ദേശത്തോടെ പെരുമാറിയെന്നുമായിരുന്നു മാധ്യമ പ്രവര്ത്തക കമ്മീഷണര്ക്ക് നല്കിയ പരാതിയില് വ്യക്തമാക്കിയത്. ഐപിസി 354, കേരള പൊലീസ് ആക്ട് 119 എ വകുപ്പുകള് പ്രകാരമാണ് സുരേഷ് ഗോപിക്കെതിരെ കേസെടുത്തിരുന്നു.
