കോട്ടയം: കെ.സി.വൈ.എൽ. ഞീഴൂർ യൂണിറ്റിൻ്റെ നേതൃത്വത്തിൽ സംഘടിപ്പിച്ച അതിരൂപതാതല ടേബിൾ ടെന്നീസ് ടൂർണമെൻ്റ് ഉജ്ജ്വല സമാപനമെത്തി.
പേരൂർ പള്ളി വികാരി ഫാ. മാത്യു ഏറ്റിയേപ്പിള്ളിൽ ടൂർണമെൻ്റ് ഉദ്ഘാടനം ചെയ്തു. തുടർന്ന്, അൽമായർക്കും വൈദികർക്കുമായി നടത്തിയ മത്സരങ്ങളിൽ 33 മത്സരാർത്ഥികൾ പങ്കെടുത്തു. അതിരൂപതാ ഭാരവാഹികളായ സെക്രട്ടറി ചാക്കോ ഷിബു, ഡയറക്ടർ ഷെല്ലി ആലപ്പാട്ട് എന്നിവർ സന്നിഹിതരായിരുന്നു.
വാശിയേറിയ മത്സരത്തിനൊടുവിൽ ഞീഴൂരിൽ നിന്നുള്ള സാം ജോസ് ഒന്നാംസ്ഥാനം കരസ്ഥമാക്കി. മറ്റക്കരയിൽ നിന്നുള്ള ജയ്ക്ക് ചാക്കോച്ചി രണ്ടാംസ്ഥാനവും കുറുമുള്ളൂരിൽ നിന്നുള്ള സണ്ണി തോമസ് മൂന്നാംസ്ഥാനവും നേടി.
