മലപ്പുറം: 2026 ജനുവരി 29 മുതൽ ഫെബ്രുവരി 1 വരെ കോഴിക്കോട് ബീച്ചിലെ ഫ്രീഡം സ്ക്വയറിൽ നടക്കാനിരിക്കുന്ന കേരള ഡിസബിലിറ്റി ഫെസ്റ്റിവലിന് ഐക്യദാർഢ്യം പ്രഖ്യാപിച്ച് കൊടിഞ്ഞിയിൽ വിപുലമായ പരിപാടികൾ സംഘടിപ്പിച്ചു. അകം (AKAM) സാംസ്കാരിക വേദി, കൊടിഞ്ഞിയിലെ വിവിധ ക്ലബ്ബുകൾ, കൂട്ടായ്മകൾ, പൊതുജനങ്ങൾ എന്നിവരുടെ സഹകരണത്തോടെ വോയ്സ് ഓഫ് ഡിസേബിൾഡ് നന്നമ്പ്രയുടെ നേതൃത്വത്തിലാണ് വിളംബര ജാഥയും പ്രതിജ്ഞയും നടത്തിയത്.

വിളംബര ജാഥയും ഉദ്ഘാടനവുംകൊടിഞ്ഞി പാലാ പാർക്ക് മുതൽ ഫാറൂഖ് നഗർ വരെ സംഘടിപ്പിച്ച കൂട്ട ഓട്ടവും വിളംബര ജാഥയും നന്നമ്പ്ര പഞ്ചായത്ത് പ്രസിഡണ്ട് പച്ചായി മൊയ്തീൻ കുട്ടിയും പൗരപ്രമുഖൻ അക്ബർ സിപിയും ചേർന്ന് ഫ്ലാഗ് ഓഫ് ചെയ്തു. തുടർന്ന് അക്ബർ ഓഡിറ്റോറിയത്തിൽ നടന്ന ഐക്യദാർഢ്യ സംഗമത്തിന്റെ ഔദ്യോഗിക ഉദ്ഘാടനം പഞ്ചായത്ത് പ്രസിഡണ്ട് പച്ചായി മൊയ്തീൻ കുട്ടി നിർവ്വഹിച്ചു. വാഹിദ് പാലക്കാട്ട് ചടങ്ങിൽ അദ്ധ്യക്ഷത വഹിക്കുകയും ഡിസബിലിറ്റി സൗഹൃദ പ്രതിജ്ഞ ചൊല്ലിക്കൊടുക്കുകയും ചെയ്തു.

ആശംസകൾ ചടങ്ങിൽ സാമൂഹിക- സാംസ്കാരിക രംഗത്തെ പ്രമുഖർ ആശംസകൾ അർപ്പിച്ചു സംസാരിച്ചു. ശാഫി പൂക്കയിൽ, മുനീർ പി.പി, ഫൈസൽ കുഴിമണ്ണിൽ, ജാഫർ പനയത്തിൽ എന്നിവർ ഭിന്നശേഷി സൗഹൃദ കേരളം കെട്ടിപ്പടുക്കുന്നതിൽ ഇത്തരം കൂട്ടായ്മകളുടെ പ്രാധാന്യത്തെക്കുറിച്ച് സംസാരിച്ചു. വോയ്സ് ഓഫ് ഡിസേബിൾഡ് സെക്രട്ടറി റസീന, ഭിന്നശേഷിക്കാരുടെ അവകാശങ്ങളെയും വരാനിരിക്കുന്ന ഫെസ്റ്റിവലിന്റെ പ്രസക്തിയെയും കുറിച്ച് ചർച്ച ചെയ്തു.തുടർന്ന് ഭാസ്ക്കരൻ പുല്ലാനി, ആസിഫ് കൊടക്കാടൻ, ലെവൽമുഞ്ചാടി ജംഷീർ എന്നിവർ പരിപാടിക്ക് എല്ലാവിധ ഭാവുകങ്ങളും നേർന്നു.

സാമൂഹിക പ്രവർത്തകരായ ഇബ്രാഹിം, ഇർഷാദ്, അസ്‌ലം എന്നിവരും സദസ്സിനെ അഭിസംബോധന ചെയ്ത് സംസാരിക്കുകയും കേരള ഡിസബിലിറ്റി ഫെസ്റ്റിവലിന് പൂർണ്ണ പിന്തുണ പ്രഖ്യാപിക്കുകയും ചെയ്തു.നേതൃത്വംവോയ്സ് ഓഫ് ഡിസേബിൾഡ് നന്നമ്പ്ര പ്രസിഡണ്ട് നൗഷാദ് യു.വി. ചടങ്ങിന് സ്വാഗതം ആശംസിച്ചു. നിസാർ കൊടിഞ്ഞി പരിപാടിയുടെ ഏകോപനം നിർവ്വഹിച്ചു. ഹബീബ് പൂഴിത്തറ നന്ദി രേഖപ്പെടുത്തി. ഭിന്നശേഷി വിഭാഗത്തിന്റെ ഉന്നമനത്തിനായി സംഘടിപ്പിക്കുന്ന ഈ വലിയ മേളയ്ക്ക് കൊടിഞ്ഞിയിലെ പൊതുസമൂഹം ഒരേമനസ്സോടെ പിന്തുണ പ്രഖ്യാപിച്ചു.