തിരുവനന്തപുരം: സംസ്ഥാനത്തിന്റെ വ്യാവസായിക മേഖലയിലെ വളർച്ച അതിശയിപ്പിക്കുന്നതാണെന്ന തരൂരിന്റെ പ്രസ്താവനയ്ക്കെതിരെ പ്രതിപക്ഷ നേതാവ് വിഡി സതീശന്. നിലവില് കേരളം മികച്ച വ്യവസായ അന്തരീക്ഷം ഉള്ള സംസ്ഥാനം അല്ല. സ്വാഭാവികമായി അത് മെച്ചപ്പെട്ട് വരണമെന്ന് ആഗ്രഹിക്കുന്നവരാണ് ഞങ്ങള്. ശശി തരൂര് എന്ത് സാഹചര്യത്തിലാണ്, ഏത് സ്റ്റാറ്റിസ്റ്റിക്സിന്റെ അടിസ്ഥാനത്തിലാണ് പറഞ്ഞതെന്നറിയില്ല എന്നും വി ഡി സതീശൻ. കേരളം മാറ്റത്തിന്റെ പാതയിലെന്നും കോണ്ഗ്രസ് നേതാവ് ശശി തരൂര് എംപി. ‘ചെയ്ഞ്ചിംഗ് കേരള; ലംബറിങ് ജമ്പോ റ്റു എ ലൈത് ടൈഗര്‘ എന്ന പേരില് ദ ന്യൂ ഇന്ത്യന് എക്സ്പ്രസില് എഴുതിയ ലേഖനത്തിലാണ് കേരളത്തില് വന്ന മാറ്റങ്ങള് അദേഹം തുറന്നുകാട്ടിയിരിക്കുന്നത്.
ഈസ് ഓഫ് ഡൂയിങ് ബിസിനസില് 28ാം സ്ഥാനത്തുണ്ടായിരുന്ന കേരളം ഒന്നാം സ്ഥാനത്തേക്കെത്തിയതിനെയും തരൂര് പ്രശംസിച്ചിരുന്നു . കൂടാതെ രണ്ടാഴ്ച മുന്പ് വ്യവസായ മന്ത്രി പി രാജീവ് പ്രഖ്യാപിച്ചത് കേരളത്തില് രണ്ടുമിനിറ്റുകൊണ്ട് ബിസിസ് സംരംഭം തുടങ്ങാന് സാധിക്കുമെന്നാണ്. ഇതു സത്യമാണെങ്കില് ആശ്ചര്യകരമായ മാറ്റമാണ്’-തരൂര് വിവരിക്കുന്നു.അതേസമയം തരൂരിന്റെ ലേഖനത്തിന് പിന്നാലെ നന്ദി അറിയിച്ച് വ്യവസായ മന്ത്രി പി രാജീവ് ഫെയ്സ്ബുക്കില് കുറിപ്പിട്ടിരുന്നു.
