തിരുവനന്തപുരം: കുംഭമേളയിലെ വൈറല് താരം മൊണാലിസയ്ക്ക് വിവാഹ വേദിയൊരുക്കി കേരളം. ഇന്ന് വൈകീട്ട് ആറുമണിയോടെ അരുമാനൂര് ശ്രീ നയിനാര് ദേവ ക്ഷേത്രത്തില് വച്ചാണ് മൊണാലിസയും കാമുകന് ഫര്ഹാനും വിവാഹിതരായത്. സിപിഐഎം സംസ്ഥാന സെക്രട്ടറി എം.വി. ഗോവിന്ദന്. തിരുവനന്തപുരം ജില്ലാ സെക്രട്ടറി എ.എ. റഹീം തുടങ്ങി പ്രമുഖ നേതാക്കള് ചടങ്ങില് പങ്കെടുത്തിരുന്നു. മൊണാലിസയുടെ കുടുംബത്തില് നിന്നുള്ള എതിര്പ്പുകള് കണക്കിലെടുത്ത് സ്ഥലത്ത് പൊലീസ് സുരക്ഷാ സംവിധാനങ്ങളും ഒരുക്കിയിരുന്നു.
അച്ഛനില് നിന്ന് രക്ഷിക്കണമെന്ന പരാതിയുമായാണ് മൊണാലിസ തിരുവനന്തപുരത്ത് തമ്പാനൂര് പൊലീസ് സ്റ്റേഷനില് അഭയം തേടിയത്. വീട്ടുകാര് പ്രണയം എതിര്ത്തതോടെയാണ് കാമുകനോടൊപ്പം മൊണാലിസ കേരളത്തിലെത്തിയത്. മറ്റ് സംസ്ഥാനങ്ങളിലൊന്നും പോകാനാവില്ലെന്നും കേരളം മാത്രമാണ് സുരക്ഷിതമെന്നും ഇരുവര് പറഞ്ഞു. തുടര്ന്ന് മൊണാലിസയുടെ വീട്ടുകാരെ വിളിച്ചു വരുത്തി പൊലീസ് ഇക്കാര്യം അറിയിച്ചു.
