കൊച്ചി: കൂത്താട്ടുകുളം പൊലീസ് സ്റ്റേഷന് ഉപരോധവുമായി ബന്ധപ്പെട്ട് നഗരസഭ കൗണ്സിലര് കലാ രാജു രഹസ്യമൊഴി നല്കാന് കോടതിയില് എത്തി. കോലഞ്ചേരി ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതിയില് ആണ് ഹാജരായത്. സിപിഐഎമ്മിന് എതിരെ നിര്ണായക മൊഴി നല്കാനാണ് കലാ കോടതിയില് എത്തിയതിനാണ് സാധ്യത.
നഗരസഭാ കൗണ്സിലര് കലാ രാജുവിനെ നഗരസഭയില് നടന്ന അവിശ്വാസപ്രമേയത്തിനിടെ തട്ടികൊണ്ടുപോയതില് പൊലീസ് നടപടി വൈകുന്നുവെന്ന് ആരോപിച്ചായിരുന്നു പൊലീസ് സ്റ്റേഷന് ഉപരോധം. സംഭവത്തില് എറണാകുളം ഡിസിസി പ്രസിഡന്റ് മുഹമ്മദ് ഷിയാസിനും യൂത്ത് കോണ്ഗ്രസ് സംസ്ഥാന ഉപാധ്യക്ഷന് അബിന് വര്ക്കിക്കെതിരെയും ജാമ്യമില്ലാ വകുപ്പുകള് ചുമത്തി കേസെടുത്തു.
