തിരുവനന്തപുരം: കെഎസ്ആര്ടിസി ഡ്രൈവറെ തടഞ്ഞ കേസില് നിന്ന് തിരുവനന്തപുരം മേയര് ആര്യ രാജേന്ദ്രനെയും ഭര്ത്താവ് സച്ചിന് ദേവ് എംഎല്എയേയും കുറ്റപത്രത്തില് നിന്നും ഒഴിവാക്കി.
മേയറുടെ സഹോദരന് അരവിന്ദ് മാത്രമാണ് കേസില് പ്രതി. മേയറും എംഎല്എയും ഔദ്യോഗിക കൃത്യനിര്വ്വഹണം തടസ്സപ്പെടുത്തുകയോ അസഭ്യം പറയുകയോ ചെയ്തിട്ടില്ല.
യദു നല്കിയ സ്വകാര്യ ഹര്ജി പരിഗണിച്ച് കോടതി നേരിട്ട് കേസ് എടുക്കാന് നിര്ദ്ദേശിച്ചത് അനുസരിച്ചാണ് കേസ് എടുത്തത്. തിരുവനന്തപുരം ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതിയാണ് കേസ് പരിഗണിക്കുന്നത്.
2024 ഏപ്രില് 27 ന് രാത്രി 10 മണിക്കാണ് പാളയം സാഫല്യം കോംപ്ലക്സിന് മുന്നില് വച്ച് മേയറും ഭര്ത്താവും അടക്കമുളളവര് സഞ്ചരിച്ചിരുന്ന സ്വകാര്യ വാഹനം കെഎസ്ആര്ടിസി ബസ് തടഞ്ഞ് ഡ്രൈവര് യദുവുമായി വാക്കു തര്ക്കം ഉണ്ടായത്.
ഇതിനെ തുടര്ന്ന് മേയറെ വീണ്ടും പ്രതി ചേര്ക്കണം എന്ന് ആവശ്യപ്പെട്ട് യദു കോടതിയില് വീണ്ടും ഹര്ജി നല്കി.
അതേസമയം, കെഎസ്ആര്ടിസി ഡ്രൈവര് യദുവിനെതിരെ കുറ്റപത്രം ഉടന് സമര്പ്പിക്കും.
മേയര് നല്കിയ പരാതിയിലെടുത്ത കേസിലാണ് യദുവിനെതിരെ കുറ്റപത്രം നല്കുക മേയറേയും മറ്റുള്ളവരെയും അശ്ലീല ആംഗ്യം കാണിച്ചുവെന്ന് മ്യൂസിയം പൊലീസാണ് കുറ്റപത്രം നല്കുന്നത്.
അതേസമയം ബസ്സിലെ മെമ്മറി കാര്ഡ് കാണാതായ കേസില് അന്വേഷണം എങ്ങുമെത്തിയിട്ടില്ല.
