കോട്ടയം: വേൾഡ് ഫിറ്റ്‌നസ് ഫെഡറേഷൻ (WFF) കോട്ടയം ചാപ്റ്റർ സംഘടിപ്പിച്ച മിസ്റ്റർ ആൻഡ് മിസ്സസ് കോട്ടയം ബോഡിബിൽഡിംഗ് മത്സരത്തിൽ കുമരകം സ്വദേശിയായ എ.എസ്. വസുദേവ് ജേതാവായി. കിഡ്‌സ് കാറ്റഗറിയിലാണ് വസുദേവ് ഒന്നാം സ്ഥാനം കരസ്ഥമാക്കിയത്.

കുമരകം എട്ടാം വാർഡ് ആശാരിശ്ശേരിൽ സരുൺ- ജയലക്ഷ്മി ദമ്പതികളുടെ മകനായ വസുദേവ് കോട്ടയം ചിന്മയ വിദ്യാലയത്തിലെ നാലാം ക്ലാസ് വിദ്യാർത്ഥിയാണ്. പഠനത്തോടൊപ്പം തന്നെ കായിക മേഖലയോടും ഫിറ്റ്‌നസിനോടും ഈ കൊച്ചു താരം കാണിക്കുന്ന താൽപ്പര്യം ഇതിനോടകം തന്നെ ശ്രദ്ധേയമായിട്ടുണ്ട്. കോട്ടയത്ത് നടന്ന വാശിയേറിയ മത്സരത്തിൽ മികച്ച പ്രകടനം കാഴ്ചവെച്ചാണ് വസുദേവ് കിരീടം ചൂടിയത്. കുമരകത്തിന്റെ കായിക അഭിമാനമായി മാറിയ വസുദേവിനെ വിവിധ സംഘടനകളും നാട്ടുകാരും അഭിനന്ദിച്ചു.