കോഴിക്കോട് : കോഴിക്കോട് കോർപ്പറേഷനിലെ 37-ാം വാർഡായ കല്ലായിയിലെ ജനങ്ങളുടെ പ്രതികരണം ഉറ്റു നോക്കി എൽ.ഡി.എഫ്. തുടർച്ചയായി മൂന്ന് തവണ വാർഡ് ഭരിക്കുന്ന യു.ഡി.എഫിനെ അട്ടിമറിച്ച് വിജയം ഉറപ്പിക്കാനായി രണ്ടും കൽപ്പിച്ചാണ് ഈ തവണ എൽ.ഡി.എഫ് ഇറങ്ങിയത്. വാർഡിലെ വികസന മുരടിപ്പാണ് എൽ.ഡി.എഫിന്റെ പ്രധാന പ്രചരണായുധം. കൊട്ടിക്കലാശത്തിൽ നിരവധി പ്രവർത്തകരെ അണിനിരത്തി പ്രചാരണം കൊഴുപ്പിച്ച എൽ.ഡി.എഫ് വിജയ പ്രതീക്ഷയിലാണ്.



