തിരുവനന്തപുരം: സംസ്ഥാനത്ത് തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പ് നവംബറും ഡിസംബറും ഉൾപ്പടെയുള്ള മാസങ്ങളിൽ നടക്കുമെന്ന് സംസ്ഥാന തിരഞ്ഞെടുപ്പ് കമ്മിഷന്‍ അറിയിച്ചു. ഡിസംബര്‍ 20ന് മുമ്പ് തിരഞ്ഞെടുപ്പ് നടപടിക്രമങ്ങൾ പൂര്‍ത്തിയാക്കുന്ന തരത്തിലാണ് തയ്യാറെടുപ്പുകൾ പുരോഗമിക്കുന്നത്.

തദ്ദേശ തെരഞ്ഞെടുപ്പിന് മുന്നോടിയായി വോട്ടർ പട്ടിക ഒരു ഘട്ടം കൂടി പുതുക്കാൻ തീരുമാനം ഇതിനോടകം എടുത്തിട്ടുണ്ട്. ഇതുമായി ബന്ധപ്പെട്ട് മുഖ്യ തിരഞ്ഞെടുപ്പ് ഓഫീസര്‍ രത്തന്‍ യു. ഖേല്‍ക്കറും സംസ്ഥാന തിരഞ്ഞെടുപ്പ് കമ്മിഷണര്‍ എ. ഷാജഹാനും ചേര്‍ന്ന് ചർച്ച നടത്തി.
ഇതിനിടെ, സംസ്ഥാനത്ത് പുരോഗമിക്കുന്ന തീവ്ര വോട്ടര്‍ പട്ടിക പരിഷ്‌കരണം (SIR – Special Intensive Revision) തദ്ദേശ തെരഞ്ഞെടുപ്പ് അവസാനിക്കുന്നവരെ നീട്ടണമെന്ന് ആവശ്യപ്പെട്ട്, മുഖ്യ തിരഞ്ഞെടുപ്പ് ഓഫീസര്‍ കേന്ദ്ര തെരഞ്ഞെടുപ്പ് കമ്മീഷനു കത്തയച്ചതായി റിപ്പോര്‍ട്ട്. തിരഞ്ഞെടുപ്പ് തീയതികള്‍ ഉടന്‍ പ്രഖ്യാപിക്കപ്പെടുമെന്നാണ് പ്രതീക്ഷ.