ബോളിവുഡിൽ അരങ്ങേറ്റം കുറിക്കാനൊരുങ്ങി സംവിധായകൻ മഹേഷ് നാരായണൻ . സൽമാൻഖാൻ ആണ് മഹേഷ് നാരായണൻ ചിത്രത്തിൽ നായകനായെത്തുക എന്ന റിപ്പോർട്ടുകളും ഇതിനോടകം തന്നെ പുറത്ത് വന്നിരുന്നു.മുംബൈയിൽ വച്ച് സൽമാൻ ഖാനോട് മഹേഷ് നാരായണൻ ചിത്രത്തിന്റെ കഥ പറഞ്ഞുവെന്നും റിപ്പോർട്ടുകൾ പറയുന്നു. ആക്ഷൻ ത്രില്ലർ ആയി ഒരുങ്ങുന്ന ചിത്രത്തിന്റെ ചർച്ചകൾ പുരോഗമിക്കുകയാണ്.
സഹോദരി അൽവിര ഖാൻ അഗ്നിഹോത്രിയും സഹോദരീഭർത്താവ് അതുൽ അഗ്നിഹോത്രിയും ചേർന്നാണ് ഇത് ഒരുക്കുന്നതെന്നും റിപ്പോർട്ടുണ്ട്.

സിക്കന്ദറിന് ശേഷം സൽമാൻ ഖാന്റെ അടുത്ത പ്രോജക്റ്റ് കൂടിയാണ് ഈ ചിത്രം. ഒരു പ്രമുഖ മീഡിയ പോർട്ടലിന്റെ റിപ്പോർട്ടുകൾ പ്രകാരം, നടൻ 2025 ജൂലൈയിൽ ചിത്രീകരണം ആരംഭിക്കും. മുംബൈയിലും ലഡാക്കിലുമാണ് ചിത്രീകരണം നടക്കുന്നത്. 70 ദിവസത്തേക്കാണ് ഷൂട്ടിംഗ് ഷെഡ്യൂൾ.പ്രൊഫഷണൽ രംഗത്ത്, തന്റെ ഭാവി പ്രോജക്റ്റുകളെക്കുറിച്ചുള്ള അപ്‌ഡേറ്റുകളൊന്നും താരം ഇതുവരെ പങ്കുവെച്ചിട്ടില്ല.അതേസമയം തന്റെ അടുത്ത സിനിമ എന്തായിരിക്കുമെന്ന് അറിയാൻ ആരാധകർ ആകാംക്ഷയിലാണ്.