മലപ്പുറം: കേരളത്തിലെ സർക്കാർ അംഗീകൃത അൺ എയ്ഡഡ് സ്കൂളുകളുടെ മാനേജ്മെൻറ് അസോസിയേഷൻ (കെ ആർ എസ് എം എ) ജില്ലയിലെ സ്കൂൾ മാനേജർ മാർക്കും പ്രധാന അധ്യാപകർക്കുമായി സംഘടിപ്പിച്ച മാനേജ്മെൻറ് ശില്പശാല കോട്ടക്കൽ എംഎൽഎ പ്രൊഫസർ. ആബിദ് ഹുസൈൻ തങ്ങൾ ഉദ്ഘാടനം ചെയ്തു .ലഭ്യമായ ഭൗതിക സൗകര്യങ്ങളും അധ്യാപകരെയും പ്രയോജനപ്പെടുത്തി ഉൽകൃഷ്ടമായ ഒരു വിദ്യാഭ്യാസ സ്ഥാപനം എങ്ങിനെ നടത്തിക്കൊണ്ടു പോകാം എന്നതിനെക്കുറിച്ച് അന്വേഷണമായിരുന്നു ശില്പശാലയിൽ മുഖ്യമായും നടന്നത്.
കോട്ടക്കൽ മലബാർ ഇൻറർനാഷണൽ സ്കൂളിൽ വെച്ചായിരുന്നു ശില്പശാല സംഘടിപ്പിച്ചത് പ്രസിഡൻറ് പി വി മുഹമ്മദ് മൗലവി അധ്യക്ഷൻ വഹിച്ച ചടങ്ങിൽ ജില്ലാ ജനറൽ സെക്രട്ടറി യൂസഫ് തൈക്കാടൻ സ്വാഗതം ആശംസിച്ചു. കേരള കേന്ദ്ര സർവകലാശാലയിലെ ടീച്ചർ എജുക്കേഷൻ മേധാവിയും ലൈവ് സ്കിൽ എജുക്കേഷൻ സെൻറർ ഡയറക്ടറുമായ ഡോ. എം എൻ മുസ്തഫയായിരുന്നു പരിശീലന പരിപാടിക്ക് നേതൃത്വം നൽകിയത്.
തൃപ്രങ്ങോട് ഗ്രാമപഞ്ചായത്ത് പ്രസിഡണ്ടായി തെരഞ്ഞെടുക്കപ്പെട്ട അസോസിയേഷൻ സംസ്ഥാന ജനറൽ സെക്രട്ടറി മുജീബ് പൂളക്കലിനെ ചടങ്ങിൽ വച്ച് ജില്ലാ പ്രസിഡണ്ട് പി വി മുഹമ്മദ് മൗലവി പൊന്നാട അണിയിച്ച് ആദരിച്ചു മെമെന്റോ പ്രസന്റേഷൻ ഡോക്ടർ എം എൻ മുസ്തഫയും നിർവഹിച്ചു. ജില്ലാ വൈസ് പ്രസിഡൻറ് മാരായ ഹസ്സൻ മൗലവി പോട്ടൂര്, അബ്ദുൽ മജീദ് മണ്ണിശ്ശേരി സെക്രട്ടറിമാരായ നിഷാദ് പു,ല്ലമ്പലവൻ, അബ്ദുസ്സലാം കാളമ്പാടി, പ്രിൻസിപ്പൽമാരായ ഹൈദ്രോസ്, വി കെ ഷാജി ഫൈസൽ എന്നിവർ ആശംസകൾ നേർന്നു. ജില്ലാ ട്രഷറർ മുസ്തഫ എടശ്ശേരി കൃതജ്ഞത രേഖപ്പെടുത്തി.
