മാസപ്പടി കേസിൽ ഷോൺ ജോർജിന് തിരിച്ചടി. രേഖകൾ ആവശ്യപ്പെട്ടുള്ള ഷോണിന്റെ ഹർജി ഹൈക്കോടതി തള്ളി. സിഎംആർഎല്ലിൽ നിന്ന് എസ്എഫ്ഐഒ കസ്റ്റഡിയിൽ എടുത്ത ഡയറിയുടെ പകർപ്പും, അനുബന്ധ രേഖകളുടെ പകർപ്പും ആവശ്യപ്പെട്ട് നൽകിയ ഹർജിയാണ് തള്ളിയത്. സിഎംആർഎൽ മാസപ്പടി കേസിലെ നിർണായക വിവരങ്ങൾ ഡയറിയിലുണ്ടന്നായിരുന്നു ഹർജിക്കാരന്റെ വാദം.
നേരത്തെ രേഖകള് കൈമാറാന് കീഴ്കോടതി നിര്ദേശിച്ചിരുന്നു. പിന്നാലെ സിഎംആര്എല് ഹൈക്കോടതിയെ സമീപിക്കുകയായിരുന്നു. എസ്എഫ്ഐഒ റിപ്പോര്ട്ട് അടക്കമുള്ള രേഖ കൈമാറരുതെന്ന് സിഎംആര്എല് ഹര്ജിയില് ആവശ്യപ്പെട്ടു. ഹര്ജി പരിഗണിച്ച ഹൈക്കോടതി രേഖകള് ഷോണ് ജോര്ജിന് കൈമാറാന് സാധിക്കില്ലായെന്ന് അറിയിക്കുകയായിരുന്നു.
