മലപ്പുറം: മലപ്പുറം ജില്ലയിലെ മാറാക്കരയില് മുസ്ലിം ലീഗില് കൂട്ടരാജി. നവംബർ 19 നാണ് കല്ലൻ മനാഫ് എന്നയാൾ സിപിഎമ്മിൽ നിന്നും രാജി വെച്ച് മുസ്ലിംലീഗിലേക്ക് കടന്നുവന്നത്.
മനാഫിനെ മുസ്ലിം ലീഗ് വരുന്ന തൃതല പഞ്ചായത്ത് തിരഞ്ഞെടുപ്പിൽ സ്ഥാനാർത്തിയാക്കാൻ തീരുമാനിക്കുകയായിരുന്നു. തദ്ദേശ സ്വയം ഭരണ സ്ഥാപനങ്ങളിലേക്കുള്ള തിരഞ്ഞെടുപ്പിൽ മനാഫിനെ സ്ഥാനാർത്ഥിയാക്കി മത്സരിപ്പിക്കുന്നതിൽ മുസ്ലിം ലീഗിനകത്ത് ശക്തമായ പ്രതിഷേധമാണുണ്ടായത്.
ഇതിനെ തുടർന്ന് മാറാക്കരയിലെ 24-ാം വാര്ഡ് മെമ്പറും ലീഗ് പ്രസിഡന്റും അടക്കം 150 ഓളം പേര് ലീഗില് നിന്ന് രാജിവെച്ചു. രാജിവെച്ച നിലവിലെ വാര്ഡ് മെമ്പര് ഷംല ബഷീര് സ്വാതന്ത്ര സ്ഥാനാർത്ഥിയായി മത്സരിക്കും.
