തിരുവനന്തപുരം: 2025-ലെ ആയുർവേദ, ഹോമിയോ, സിദ്ധ, യുനാനി, മെഡിക്കൽ അനുബന്ധ കോഴ്‌സുകളിലേക്കുള്ള സ്‌ട്രേ വേക്കൻസി അലോട്ട്‌മെന്റ് പ്രസിദ്ധീകരിച്ചു. പ്രവേശന പരീക്ഷാ കമ്മീഷണറുടെ ഔദ്യോഗിക വെബ്‌സൈറ്റായ www.cee.kerala.gov.in ൽ അലോട്ട്‌മെന്റ് വിശദാംശങ്ങൾ ലഭ്യമാണ്.

വിദ്യാർത്ഥികൾക്ക് തങ്ങളുടെ ഹോം പേജിൽ വ്യക്തിഗത അലോട്ട്‌മെന്റ് വിവരങ്ങൾ പരിശോധിക്കാം. അലോട്ട്‌മെന്റ് ലഭിച്ചവർ ഫീസ് അടച്ചതിന് ശേഷം നവംബർ 15ന് വൈകിട്ട് 4 മണിക്കുള്ളിൽ ബന്ധപ്പെട്ട കോളേജിൽ ആവശ്യമായ രേഖകളുമായി ഹാജരായി പ്രവേശനം നേടണം. കൂടുതൽ വിവരങ്ങൾക്ക് ഹെൽപ് ലൈൻ നമ്പർ 0471 2525300 ബന്ധപ്പെടാവുന്നതാണ്.