തിരുവനന്തപുരം: മുട്ടത്തറ വാർഡിലെ കൗൺസിലർ ബി. രാജേന്ദ്രൻ രാജിവച്ചു. സിപിഎം പ്രാദേശിക നേതാവായ രാജേന്ദ്രൻ ഗുരുതരമായ സാമ്പത്തിക തട്ടിപ്പിൽ കുടുങ്ങിയതോടെയാണ് നടപടി വന്നത്.
തട്ടിപ്പ് പുറത്ത് വന്നതിനെ തുടർന്ന് മേയർ ആര്യ രാജേന്ദ്രൻ തന്നെ രാജി ആവശ്യപ്പെട്ടിരുന്നു. തുടർന്ന് പാർട്ടിയുടെ നിലപാട് അംഗീകരിച്ച് ബി. രാജേന്ദ്രൻ കൗൺസിലർ സ്ഥാനത്ത് നിന്നും പിന്മാറുകയായിരുന്നു.
കുറ്റം ചെയ്ത ആരെയും സംരക്ഷിക്കില്ലെന്ന നിലപാട് സിപിഎം ജില്ലാ നേതൃത്വം വ്യക്തമാക്കിയിട്ടുണ്ട്. ഇതോടൊപ്പം രാജേന്ദ്രനെ പാർട്ടിയുടെ പ്രാഥമിക അംഗത്വത്തിൽ നിന്നും പുറത്താക്കിയതായും അറിയിച്ചു.
